տուն Լուրեր «Շիրակը» հայտարարություն է տարածել Գյումրիում տեղի ունեցած միջադեպի վերաբերյալ

«Շիրակը» հայտարարություն է տարածել Գյումրիում տեղի ունեցած միջադեպի վերաբերյալ

85
0

b102fc6b35905512d4b38123f46f8be9

Գյումրիի «Շիրակը» պաշտոնական հաղորդագրություն է տարածել «Ալաշկերտի» հետ կայացած հանդիպման (0:1) միջադեպի առիթով: «Ի պատասխան մամուլում տարածված հաղորդագրությանը այսօրվա «Շիրակ» — «Ալաշկերտ» խաղից անմիջապես հետո տեղի ունեցած միջադեպի վերաբերյալ ցանկանում ենք ճշտում մտցնել իրականությանը: Ոչ մի ծեծկռտուք կամ հարձակում չի եղել երկրպագուների կողմից Աբրահամ Խաշմանյանի վրա: Միակ միջադեպը եղել է Ակումբի աշխատակցի և Աբրահամ Խաշմանյանի միջև, այն էլ այն բանից հետո, երբ վերջինս հայհոյել է երկրպագուներին»,- նշված է հաղորդագրության մեջ: Նշենք, որ խաղից հետո «Ալաշկերտի» գլխավոր մարզիչ Աբրահամ Խաշմանյանը Armsport.am-հետ զրույցում պատմել է, թե ինչ է տեղի ունեցել. «Խաղի ընթացքում ինձ տալիս էին խուլիգանական և անպարկեշտ հայհոյանքներ, խփել են նաև քարերով: Երբ մրցավարն ազդարարեց խաղի ավարտը, անպարկեշտ հայհոյանքները շարունակվեցին ու հարձակվեցին ինձ վրա: Անգամ անվտանգությունը միջամտեց, իսկ հարձակումը շարունակվում էր: Նման սադրանքների վերջը պետք է լինի: Ես ամբողջ ընթացքում խաղի մեջ եմ եղել… այդ սադրանքներն իրենց բնորոշ է: Այսօր գագաթնակետն էր: Երբ ոստիկանը միջամտում է, ու շարունակում են «Շիրակից» մարդիկ հարձակվել ու փախնել, դա նորմալ չէ: ՀՖՖ-ն պետք է միջոցներ ձեռնարկի»,- ասել է Խաշմանյանը: