Աշխարհի նախկին առաջին ռակետ Մարիա Շարապովան դուրս է մնացել WTA-ի վարկանիշային աղյուսակից (Կանանց թենիսի ասոցիացիա): Այս մասին նշված է կազմակերպության պաշտոնական կայքէջում:
Նախորդ շաբաթ ռուս թենիսիստուհին զբաղեցնում էր 93-րդ հորիզոնականը:
2016 թ. հունվարի 26-ին Շարապովան որակազրկվել էր երկու տարի ժամկետով արգելված նյութեր օգտագործելու համար: Սակայն ավելի ուշ արբիտրաժային դատարանը կրճատել էր ժամկետը՝ 24 ամսվա փոխարեն թենիսիստուհուն որակազրկելով 15 ամսով:
2017-ի ապրիլի 26-ից թենիսիստուհին կկարողանա մասնակցել մրցաշարերի:
