2018-ի ապրիլին Ազգային ժողովը պետք է Հայաստանի վարչապետ ընտրի: Վարչապետի հավանական թեկնածուներն են` ՀՀԿ ղեկավար Սերժ Սարգսյանը եւ Հայաստանի վարչապետ Կարեն Կարապետյանը: Araratnews.am-ը ՀՀԿ-ական պատգամավոր Վահան Հարությունյանից հետաքրքրվեց՝ ՀՀԿ-ը վարչապետի թեկնածուի հարց քննարկե՞լ է: «Ո՛չ, չի քննարկել»,- ասաց պատգամավորը:
Մեր հարցին՝ ինչպե՞ս կգնահատի կառավարության մեկ տարվա գործունեությունը, ՀՀԿ-ականն ասաց. «Երբ կառավարությունը հաշվետվություն ներկայացնի` կգնահատենք: Կառավարությունը դրական քայլեր է արել»:
Եթե կառավարությունը դրական քայլեր է արել, կարո՞ղ ենք ենթադրել, որ Վահան Հարությունյանի համար վարչապետի ընդունելի թեկնածուն 2018-ին Կարեն Կարապետյանը՝ գործադիր մարմնի ղեկավարը, կլինի հարցին պատգամավորը պատասխանեց. «ՀՀԿ խմբակցությունը նման հարց չի քննարկել: Երբ կքննարկի, իմ անձնական դիրքորոշումը կասեմ»:
Հիշեցնենք, որ Վահան Հարությունյանը Սերժ Սարգսյանի մանկության ընկերոջ` Միխայիլ Հարությունյանի որդին է: Միխայիլ Հարությունյանը շինարարական նյութերի առքուվաճառքով զբաղվող «Միկմետալ» ՓԲԸ տնօրենն է՝ ԴԱՀԿ նախկին պետ Միհրան Պողոսյանի մորեղբայրը:
ՍՈՆԱ ԴԱՎԹՅԱՆ
