«Ազգային ժողովում շարունակվում է երկրի գլխավոր ֆինանսական փաստաթղթի քննարկումը: Բեռլինում կա ցուցատախտակ, որի վրա անընդհատ երևում է պետական պարտքի դինամիկան»: Ահա այսպես սկսեց իր ելույթն ԱԺ ՀԱԿ խմբակցույան պատգամավոր Արամ Մանուկյանը` խոսելով Հայաստանի արտաքին պարտքից:
Ըստ Մանուկյանի`արտաքին պարտքը ցույց է տալիս տվյալ կառավարության մսխող կամ ստեղծագործ բնույթը: Վարկի չափն էլ բացարձակ կապ չունի. հիմնական ցուցանիշը պարտքերի հարաբերկացությունն է ՀՆԱ-ի հետ, երկրորդն էլ` արդյունավետությունը:
«Մեր վերցրած պարտքերը ստեղագործական չեն, մսխվող գումարներ են, որոնք չեն բերում ոչ մի զարգացում»,- նշեց ՀԱԿ պատգամավորը:
Արամ Մանուկյանի ներկայացրած տվյալներով` արտաքին պարտքը 1.1 միլիարդով երկու տարվա ընթացքում աճել է` 3.7 միլիարդից հասնելով 4.8 միլիարդի:
«2008թ-ին, երբ Սերժ Սարգսյանը սկսեց ղեկավարել, պետական պարտքը կազմում էր 1.5 միլիարդ:Նայեք դինամիկան, ձեր իշխանության ժամանակ 1.5 միլիարդից պետական պարտքն աճել է` հասնելով 5.6 միլիարդի: Միայն 1.7 միլիարդով Հովիկ Աբրահամյանի իշխանության ժամանակ է ավելացել : Ապրիլից հետո՝ 900 միլիոն դոլարով է ավելացել»,- ընդգծեց պարոն Մանուկյանն ու հարցրեց. «Սերունդների համար պարտք եք հավաքում, ինչի՞ համար»:
Եզրափակելով ելույթը` ընդգծեց՝ կառավարությունը մսխող կառավարություն է:
