Ֆրանսիայի նախկին նախագահ Նիկոլա Սարկոզին երրորդ տեղն է զբաղեցրել նոյեմբերի 20-ին կայացած աջակողմյանների և կենտրոնամետների նախնական ընտրություններում, ինչից հետո հայտարարել է քաղաքականությունից հեռանալու մասին:
Սարկոզին նաև հայտարարել է, որ առաջիկա նախագահական ընտրություններում կքվեարկի հօգուտ Ֆրանսիայի նախկին վարչապետ Ֆրանսու Ֆիյոնի, ով մեծ առավելությամբ հաղթել է նախնական ընտրություններում: Երկրորդ տեղում Ալեն Ժյուպենն է:
Նախնական արդյունքներով՝ Ֆիյոնը ստացել է ձայների 44%-ը, Ժյուպենը` 28,1%, Սարկոզին` 21,1%:
