ԱՄՆ-ի նախագահական ընտրություններում հաղթանակած Դոնալդ Թրամփն անկանխատեսելի քաղաքականություն վարող ուժեղ անհատակություն է, այնպես որ, Ուկրաինան պետք է զգույշ և կազմակերպված լինի: Այս մասին իր ֆեյսբուքյան էջում գրել է Վրաստանի նախկին նախագահ, Օդեսայի նախկին նահանգապետ Միխեիլ Սաակաշվիլին:
«Մենք ընկերներ ենք արդեն շուրջ 20 տարի: Ես վերապահումով կանխատեսել էի նրա հաղթանակը: Թրամփն ուժեղ անհատականություն է՝ անկանխատեսելի քաղաքականությամբ: Մենք պետք է ավելի քան երբևէ զգույշ և կազմակերպված լինենք»,- ասված է գրառման մեջ:
Սաակաշվիլին նաև տեսանյութ է հրապարակել, որում ինքն ու Թրամփն են` ջերմ զրույցի բռնված Թրամփի աշխատասենյակում:
Լուսանկարը` Սաակաշվիլիի ֆեյսբուքյան էջից:
https://youtu.be/rlQUFwZZbOs
