Օդեսայի նահանգապետ Միխայիլ Սաակաշվիլին Ukrinskaya Pravda-ին հայտնել է, որ մտադիր չէ կուսակցություն հիմնել:
«Ես Սաշա Բորովիկի հետ չեմ քննարկել կուսակցության ստեղծման հարցեր: Ոչ մի կուսակցություն այժմ չի նախատեսվում ստեղծել: Դա ճիշտ չէ»,- ասել է նա:
Ավելի վաղ կուսակցության ստեղծման մտադրության մասին խոսել էր Սաակաշվիլու տեղակալ Սաշա Բորովիկը:
«Շուտով մենք կունենանք քաղաքական ծրագիր, որն, ըստ էության, նախընտրական է: Դա կլինի աջ կենտրոնամետ, ֆիսկալ-պահպանողական և սոցիալ-լիբերալ ծրագիր: Մտադիր ենք կառուցել ժողովրդավարական, եվրոպական կուսակցություն, որտեղ առաջնորդները կընտրվեն»,- ֆեյսբուքում գրել էր նա:
Որոշ ժամանակ անց, սակայն, Բորովիկը հայտնել էր, որ իրեն սխալ են հասկացել:
