Ռուսաստանը որպես միջնորդ պատրաստ է առավելագույն ջանքեր գործադրելու տարածաշրջանային հակամարտությունների կարգավորման հարցում. այս մասին Ria.ru-ի փոխանցմամբ՝ Հայաստանի հետ հարաբերությունների մասին խոսելիս հայտարարել է ՌԴ նախագահ Վլադիմիր Պուտինը:
«Հայաստանի հետ մեզ կապում են բարեկամության և փոխըմբռնման կապեր: ՀՀ նախագահ Սերժ Ազատի Սարգսյանի հետ վերջին հանդիպումը ցույց տվեց, որ Ռուսաստանը և Հայաստանը որպես դաշնակիցներ հուսալիորեն աջակցում են միմյանց և համատեղ զարգացնում եվրասիական ինտեգրման գործընթացը: Մեր երկրների միջև հաջողությամբ զարգանում է համագործակցությունը տնտեսության, առևտրի, ներդրումների, ռազմատեխնիկական ոլորտներում»,- ասել է Պուտինը:
