«Գազպրոմը» սեպտեմբերի 29-ից սկսել է բնական գազի արտահանումը Ադրբեջան: Օրական արտահանվում է մոտ 6 մլն խմ բնական գազ, հայտնում է Ria Novosti-ն:
Արտահանումն իրականացվում է առք ու վաճառքի պայմանագրին համաձայն, որը կնքվել է այս սեպտեմբերին` հինգ տարով: Պայմանագրով նախատեսում է տարեկան մինչև 2 մլրդ խմ բնական գազի արտահանում Ադրբեջան:
«Ռուսական գազի արտահանումն Ադրբեջան հնարավորություն կստեղծի բավարարելու Ադրբեջանի հավելյալ կարիքները` կապված երկրի տնտեսության աճի և պահանջարկի մեծացման հետ»,-ասվում է «Գազպրոմի» տարածած հայտարարության մեջ:
