Բեռնափոխադրող ավտոմեքենաների ռուսաստանցի վարորդները մտադիր են դեկտեմբերի 15-ին համազգային գործադուլ անցկացնել. այս մասին իր թվիթերյան էջում հայտնել է Эхо Москвы ռադիոկայանի թղթակից Արսենի Վեսնինը:
Ըստ աղբյուրի՝ վարորդները մտադիր են պահանջներ ներկայացնել միայն տրանսպորտի ոլորտի վերաբերյալ, այդ թվում՝ «Պլատոն» համակարգի:
Ավելի վաղ ռուս վարորդները բողոքի ակցիա էին կազմակերպել համակարգի դեմ, որը նախատեսված է ծանր բեռնատարների վարորդներից դաշնային ճանապարհային գործակալության հիմնադրամի համար վճարներ հավաքագրելու համար:
Համազգային գործադուլին կմասնակցեն նաև դաղստանցի վարորդները: Ակցիայի հետևանքով Ադրբեջանի և Ռուսաստանի միջև բեռնափոխադրումները կարող են դադարեցվել, որը նոր խնդիրների առջև կկանգնեցնի երկրներին:
