Ռուսամետ անջատողականները սպանել են Կրամատորսկի թիմի երիտասարդ դարպասապահին

Ուկրաինայի արևելքում հակամարտության նոր զոհ է դարձել Կրամատորսկի «Ավանգարդ» ակումբի 17-ամյա դարպասապահ Ստեպան Չուբենկոն։

Ուկրաինական լրատվամիջոցները հայտնում են, որ երիտասարդ ֆուտբոլիստը անհետ կորել էր դեռևս հուլիսի 23-ին Դոնեցկում, երբ այստեղ էր ժամանել Կիև-Դոնեցկ գնացքով։ Սակայն Չուբենկոյի՝ կտտանքների ենթարկված մարմինը ճանաչվել էր միայն հոկտեմբերի 6-ին՝ նրա մոր կողմից։

Ըստ հավաստի աղբյուրների՝ Չուբեկոյին հուլիսին առևանգել են ռուսամետ գրոհայինները։