Ռուսաստանի օդատիեզերական ուժերը կշարունակեն հարվածներ հասցնել Սիրիայում
«Իսլամական պետության» եւ «Ջեբհաթ ան-Նուսրայի» ահաբեկիչների ուղղությամբ: Այդ մասին հայտնել է ՌԴ Զինված ուժերի Գլխավոր շտաբի գլխավոր օպերատիվ վարչության պետ Սերգեյ Ռուդսկոյը, գրում է «Ինտեֆաքսը»:
Գեներալ-լեյտենանտի խոսքով, ռուսաստանյան ինքնաթիռներն ամեն օր 20-25 ռազմական թռիչք են իրականացնում ազատագրված Պալմիրային աջակցելու համար: Նա նշել է, որ վերջերս «կառավարական զորքերն ու հայրենասիրական ուժերը Ռուսաստանի ՌՏՈՒ-ի աջակցությամբ քաղաքի ազատագրման լայնամասշտաբ գործողություն են իրականացնում»:
