Մարտի 14-15-ին Հայաստանի բի-բոյների էլիտան կհանդիպի Red Bull BC One 2014՝ բրեյքդանսի ամենահեղինակավոր առաջնության նախընտրական փուլում: Հայաստանի լավագույն 24 պարողները կպայքարեն ապրիլի 13-ին Թբիլիսիում կայանալիք հերթական կովկասյան նախընտրական փուլում մասնակցելու համար:
Լավագույն բի-բոյներին կընտրի Red Bull BC One 2011-ի հաղթող և Red Bull BC One All Stars անդամ՝ հռչակավոր Roxrite-ը ԱՄՆ-ից:
Բրեյքդանսի երկրպագուները կդառնան երիտասարդ և էներգիայով լի հայ բի-բոյների մեծ մենամարտերի ականատեսը: Մրցումների 7 հաղթողները ձեռք կբերեն հնարավորություն ցուցադրելու իրենց վարպետությունը կովկասյան նախընտրական փուլում, որը տեղի կունենա ապրիլի 13-ին Թբիլիսիում: Առաջնության թբիլիսյան փուլի հաղթողը կցուցադրի իր վարպետությունը սեպտեմբերին՝ Խորվաթիայում կայանալիք կիսաեզրափակչին, իսկ հաղթանակի դեպքում նա նոյեմբեր ամսին կմեկնի Փարիզ՝ Red Bull BC One 2014 եզրափակչին մասնակցելու, ուր կհավաքվեն ողջ աշխարհի ուժեղագույն բի-բոյները:
Լրացուցիչ տեղեկություն:
Red Bull BC One բրեյքդանսի աշխարհի առաջնությունը անցկացվում է 2004 թ.-ից: Red Bull BC One առաջին մրցույթը տեղի ունեցավ 2004 թ.-ին Շվեյցարիայում: Այդ ժամանակից ի վեր, առաջնությունը անցկացվում է ամեն տարի տարբեր երկրներում: 11 տարիների ընթացքում Red Bull BC One-ը ձեռք է բերել բի-բոինգի մրցույթի առաջատարի համբավ, որն երիտասարդներին հնարավորություն է տալիս ցուցադրելու իրենց տաղանդը, կատարելագործելու իրենց ոճը և նպաստելու ողջ աշխարհի բի-բոյների միավորմանը:
Red Bull BC One All Star-ը բրեյքդանսի պատմության ամենահետաքրքիր և աղմկահարույց նախագիծն է, որտեղ մասնակցում են աշխարհի 10 լավագույն բի-բոյները: Նրանք լավագույներից լավագույնն են: Նրանցից յուրաքանչյուրն ունի պարելու իրեն հատուկ ոճն ու ձևը, սակայն միասին նրանք կերտում են բրեյքդանսի արվեստը և հիպ-հոպի մշակույթը: Նրանց միավորումը նպաստում է բի-բոյների զարգացմանը համաշխարհային մակարդակով: Փորձը, եզակի տաղանդը և ինքնատիպ անհատական հատկանիշները նրանց իրավունք են տալիս դառնալ բրեյքդանսի դեսպաններ: Նրանք արդեն ապացուցել են իրենց վարպետությունը, այժմ նրանց նպատակն է կիսվել իրենց հմտություններով և փորձով ուրիշների հետ:
Մարտի 14-ին, 14:00 – Վարպետության և այլընտրանքային դաս հայ բի-բոյների համար Roxrite-ի կողմից, Սլավոնական համալսարանի մարզադահլիճում:
Մարտի 15-ին 18:00 – Հայաստանում Red Bull BC One 2014 — ի նախընտրական փուլ – «Vitamin ակումբ» Պուշկինի 3ա:
Մանրամասները՝ Hraparak.am կայքում:
