Խոսե Անտոնիո Ռեյեսի կրտսեր որդին այս լուսանկարն է հրապարակել համացանցում և նշել, որ այն հոր հետ վերջին նկարն է: Իսկ ավագ որդին Ինստագրամում հորը հրաժեշտի նամակ է գրել:
«Այդ օրը դու, ինչպես միշտ, ինձ խորհուրդներ էիր տալիս, իսկ հետո գնացիր, այս անգամ հավերժ: Այդ օրն իմ կյանքում ամենածանր օրն էր: Ես միշտ հպարտանալու եմ քեզանով: Հայրիկ միայն ես և դու գիտենք, թե ինչքան էինք սիրում իրար: Ես հիմա գիտեմ, որ դու ամպերից էլ հոգ կտանես իմ մասին, իսկ ես երբեք չեմ մոռանա քեզ: Ես քեզ սիրում եմ, հայրի՛կ»,- գրել է մահացած ֆուտբոլիստի ավագ որդին:
Հիշեցնենք, որ Խոսե Անտոնիո Ռեյեսը մահացել է ավտովթարից: Նրա վարած մեքենան ընթացել է 237 կմ/ժամ արագությամբ: Ըստ նախնական տվյալների` պայթել է անիվներից մեկը, որից հետո մեքենան դուրս է թռչել ճանապարհից և բռնկվել: Ռեյեսը և նրա եղբայրներից մեկը տեղում մահացել են, իսկ մյուսը՝ սաստիկ այրվածքներով հոսպիտալացվել է:
