ԱՄՆ-ի ֆինանսների նախարարությունը հրապարակել է «Կրեմլի զեկույցը», որը ներառում է ՌԴ նախագահ Վլադիմիր Պուտինին մոտ կանգնած մարդկանց ցուցակը. հաղորդում է TASS-ը:
Զեկույցում ներառվել է 210 անուն, այդ թվում` 114 ռուս պաշտոնյաներ և պետական ընկերությունների ղեկավարներ, ինչպես նաև 96 գործարար, որոնց եկամուտը գերազանցում է 1 մլրդ դոլարը:
Զեկույցում հայտնվել են «Տաշիր ինվեստ գրուպ» ՓԲԸ հիմնադիր և մեկենաս Սամվել Կարապետյանը և «Մագնիտ» մանրածախ ցանցի գլխավոր տնօրեն Սերգեյ Գալիցկին (մինչև ամուսնությունը՝ Հարությունյան), «Ռոսգոսստրախ» ընկերության համասեփականատեր Դանիլ Խաչատուրովը:
Աղբյուրի հաղորդմամբ՝ զեկույցում ընդգրկված պաշտոնյաների նկատմամբ պատժամիջոցներ չեն սահմանվել, սակայն նրանք ԱՄՆ-ի ֆիննախի մշտական ուշադրության կենտրոնում են:
