«Ուղիղ միացում Վլադիմիր Պուտինի հետ» ամենամյա ծրագիրը տեղի կունենա հունիսի 15-ին` Մոսկվայի ժամանակով ժամը 12:00-ին. հաղորդել են Կրեմլի մամուլի ծառայությունից:
Ինչպես և նախորդ տարիներին, ծրագիրը կհեռարձակեն հիմնական պետական էլեկտրոնային լրատվամիջոցները՝ ռուսական «Առաջին» հեռուստաալիքը, Россия 1-ը, Россия 24-ը, Маяк ռադիոկայանը, Вести FM-ը և Радио Росии-ն:
Սա Պուտինի 15-րդ ավանդական տեսակամուրջն է. ամենաերկարը տևել է 4 ժամ 47 րոպե: Ծրագրի շրջանակում ՌԴ ղեկավարն ուղիղ եթերում պատասխանում է տարբեր քաղաքների բնակիչների կողմից տրվող հարցերին:
