Թուրքիայի նախագահ Ռեջեփ Թայիփ Էրդողանը հայտարարել է, որ Սոչիում ՌԴ նախագահ Վլադիմիր Պուտինին փոխանցել է լուսանկարներ, որոնցում քուրդ գրոհայինները և ռուս զինվորականները միասին գտնվում են սիրիական Աֆրին քաղաքում. հաղորդում է TASS-ը՝ հղում կատարելով CNN Turk-ին:
«Մենք նման լուսանկարներ ունենք, և ես դրանք փոխանցել եմ Պուտինին»,- ասել է Էրդողանը լրագրողների հետ հանդիպմանը:
«Պուտինն ասել է, որ կուսումնասիրի այդ լուսանկարները: Նա նաև նշել է, որ ռուս զինվորականները չեն կարող ներգրավված լինել նման բանում», — հավելել է Թուրքիայի ղեկավարը:
