ՌԴ նախագահ Վլադիմիր Պուտինը և Ֆրանսիայի նախագահ Էմանուել Մակրոնը հեռախոսազրույցի ընթացքում քննարկել են ԿԺԴՀ-ի միջուկային փորձարկումները:
Կողմերը վճռականորեն դատապարտել են ԿԺԴՀ-ի սադրիչ գործողությունները, որոնք կոպտորեն խախտում են ՄԱԿ-ի Անվտանգության խորհրդի համապատասխան պահանջները: Նախագահները նաև նշել են, որ նման գործողությունները չեն համապատասխանում զենքի գլոբալ չտարածման սկզբունքներին և լուրջ վտանգ են ստեղծում տարածաշրջանային անվտանգության համար:
