Կոնֆեդերացիաների Գավաթի խմբային փուլի երկրորդ խաղում Պորտուգալիան նվազագույն հաշվով հաղթել է Ռուսաստանին:
Հանդիպման միակ գնդակը 8-րդ րոպեին խփել է պորտուգալացիների ավագ Կրիշտիանու Ռոնալդուն` գլխի հարվածով գրավելով Իգոր Ակինֆեևի դարպասը:
Երկրորդ խաղակեսում Ֆերնանդու Սանտուշի թիմը նույնպես ուներ մի քանի գոլային պահեր, սակայն գոլային առավելությունը մնաց նվազագույն:
Այս հաղթանակի շնորհիվ Եվրոպայի չեմպիոնը վաստակեց 4 միավոր, իսկ Ռուսաստանն ունի 3 միավոր:
