Ստանում ենք ինֆորմացիա, որ որոշ խմբեր փորձում են ինձ վնասազերծել: Այս մասին հունիսի 18-ին լրագրողների հետ զրույցում ասաց ԱԱԾ-ի տնօրեն Արթուր Վանեցյանը։
«Չասենք՝ մտավախություն, կարող են լինել նման բաներ։ Անկեղծ ասած, ստանում ենք ինֆորմացիա, որ որոշ խմբեր փորձում են ինձ վնասազերծել։ Բայց իրենց մոտ չի ստացվի։ Վարչապետի հետ կապված՝ նույն վիճակն է, բայց վարչապետի պարագայում, կարծում եմ, ոչ ոք չի համարձակվի նման վարկանիշ ունեցող վարչապետի նկատմամբ»,- ասաց Արթուր Վանեցյանը, նշելով, որ չի ասի՝ ում մասին է խոսքը։
