Քաղաքագետ Լևոն Շիրինյանն այսօր լրագրողների հետ զրույցում խոսելով ԱՄՆ-ի նախագահ Դոնալդ Թրամփի որոշման՝ Երուսաղեմն Իսրայելի մայրաքաղաք ճանաչելու մասին ասաց, որ ԱՄՆ-ի քայլը հրեական լոբբիի արդյունք է. «Սա Սիրիայում ռուսական զենքի հաղթանակի դեմ քայլ էր»։
Նրա կարծիքով՝ ԱՄՆ-Իսրայել դաշինքի դեմ որպես հակակշիռ ուժ կարող է լինել Իրանը:
Շիրինյանի տեղեկացմամբ` Երուսաղեմում հայությունն ահռելի հարստություն ունի, որը նյութական չէ, այլ՝ քաղաքակրթական։ «Այն քրիստոնեական աշխարհի թագն ու պարծանքն է, և քրիստոնեական աշխարհը պետք է տեր կանգնի դրան»,- ասաց քաղաքագետը։
Հայաստանի իշխանությունը եւս պետք է տեր կանգնի մեր ժառանգությանը Երուսաղեմում:
Խոսելով Ուկրաինայի իրադարձությունների եւ Վրաստանի նախկին նախագահ Միխեիլ Սաակաշվիլիի ակտիվության մասին՝ քաղաքագետը չբացառեց՝ Միխեիլ Սաակաշվիլին Ռուսաստանի գործակալն է:
Սոնա Դավթյան
