Առողջապահության նախարար Արսեն Թորոսյանի փաստաբան Գեւորգ Գյոզալյանն այսօր մամուլի ասուլիսում ասաց, որ վերաքննիչ բողոք կներկայացնեն:
Հիշեցնենք՝ Արա Մինասյանը հայց էր ներկայացրել ընդդեմ Արսեն Թորոսյանի եւ պահանջել հրապարակայնորեն ներողություն խնդրել զրպարտություն համարվող տվյալներ հրապարակելու համար:
Դատավոր Սարգիս Երիցյանը՝ Սերգո Երիցյանի որդին, բավարարել էր Արա Մինասյանի հայցը:
Արսեն Թորոսյանի փաստաբանն ասաց, որ քննարկում է դատավոր Սարգիս Երիցյանի վերաբերյալ արդարադատության նախարարություն կամ կարգապահական հանձնաժողով դիմելու հարցը, որպեսզի նրա նկատմամբ կիրառվի ամենախիստ պատիժը:
