Ռուսաստանի Հյուսիսկովկասյան օկրուգի ռազմական դատարանի ներկայացուցիչը «РИА Новости»-ին հայտնել է, որ Գյումրիում ընտանիքի 7 անդամների սպանության համար ցմահ ազատազրկման դատապարտված ռուս զինծառայող Վալերի Պերմյակովը իր պատիժը կկրի Ռուսաստանում։
«Իհարկե, նա իր պատիժը կրելու է Ռուսաստանում»,- պարզաբանել է գործակալության զրուցակիցը՝ չմեկնաբանելով, թե ՌԴ որ շրջանում է պատիժը կրելու Պերմյակովը:
Աղբյուրը հիշեցնում է, որ ավելի վաղ Պերմյակովի փաստաբան Էդուարդ Աղաջանյանը հայտարարել է, որ հնարավոր է համարում իր պաշտպանյալի Ռուսաստան տեղափոխությունը։
