Երևանի ընդհանուր իրավասության դատարանի Շենգավիթի նստավայրում ՊՊԾ գնդի գործով դատաքննության ժամանակ այսօր դատարանում ցուցմունք տվեց նախկին փոխոստիկանապետ Վարդան Եղիազարյանը: Նրա հարցաքննությունն ավարտելուց հետո նախագահող դատավոր Մեսրոպ Մակյանը ճշտեց տուժողի դիրքորոշումը համաներման վերաբերյալ:
Նշենք, որ համաներման դեմ նախորդ դատական նիստում առարկել էր նաև ոստիկանության պետ Վալերի Օսիպյանը։
Խորհրդակցությունից հետո դատավոր Մեսրոպ Մակյանը հրապարակեց որոշումը` դադարեցնել քրեական հետապնդումը Պավլիկ Մանուկյանի և Վարուժան Ավետիսյանի նկատմամբ` զանգվածային անկարգություններ հրահրելու և կազմակերպելու մեղադրանքով:
