22-ամյա Լևոն Սահակյանին դիտավորյալ սպանելու մեջ մեղադրվող «Պատանի լրագրողներ» դպրոցի տնօրեն Վահան Ղազարյանը, երբ իմացել է Լևոնի մահվան մասին, ինքնասպանության փորձ է կատարել: Այս մասին մեզ տեղեկացրեց Վ. Ղազարյանի պաշտպան Մարինե Ֆարմանյանը:
Փաստաբանի խոսքով՝ քննչական գործողության ժամանակ, երբ Ղազարյանն իմացել է երիտասարդի մահվան մասին, ծանր հոգեբանական վիճակում է հայտնվել և, իր գնալուց հետո, քրեակատարողական հիմնարկում կոճգամներ է կուլ տվել, փորձել ինքնասպան լինել:
Պաշտպանը նաև հավաստիացրեց, որ հիմա իր պաշտպանյալի վիճակը լավ է:
Հիշեցնենք, որ հոկտեմբերի 19-ի երեկոյան «Պատանի լրագրողների» դպրոցի տնօրեն Վահան Ղազարյանի և Լևոն Սահակյանի միջև վիճաբանություն էր սկսվել Լևոնի նշանածի աշխատավարձը չվճարելու պատճառով: Վիճաբանությունից հետո 22-ամյա երիտասարդը սրտի և թոքի վնասվածքներով տեղափոխվել էր հիվանդանոց և երկու օր հետո մահացել:
