ԱՄՆ-ի նախկին նախագահ Բարաք Օբաման զգուշացրել է ամերիկյան ժողովրդավարության փխրունության և Նահանգներում ազգայնականության աճի մասին, որը, նրա կարծիքով, կարող է հանգեցնել նոր Հիտլերի ստեղծմանը:
«Սա այն է, ինչ տեղի ունեցավ 1930-ական թվականներին Գերմանիայում, որտեղ, չնայած Վեյմարի Հանրապետության ժողովրդավարությանը և դարավոր պատմամշակութային ու գիտական նվաճումներին՝ հայտնվեց Ադոլֆ Հիտլերը»,- Օբամայի խոսքն է մեջբերել Crain’s Chicago Bussiness-ը:
Նախկին նախագահը հիշեցրել է, որ ֆյուրերի քաղաքականության հետևանքը դարձավ 60 միլիոն մարդու մահը: ԱՄՆ-ի համար նման սցենարից խուսափելու համար Օբաման կոչ է արել բոլորին պաշտպանել երկրում ժողովրդավարությունը, «հակառակ դեպքում ամեն ինչ վերջնականապես կոչնչանա»:
