ԱՄՆ նախագահ Բարաք Օբաման ասուլիսի ժամանակ հայտարարել է, որ պատրաստ է համագործակցել Իրանի և Ռուսաստանի, ինչպես նաև կոալիցիայի իր գործընկերների հետ Սիրիայում քաղաքական կայունության ապահովման ուղղությամբ, հայտնում է Reuters գործակալությունը;
Օբաման նաև կարծիք է հայտնել, որ Ռուսաստանի նախագահ Վլադիմիր Պուտինը Սիրիային աջակցելու որոշում է կայացրել Բաշար Ասադի տկարության պատճառով:
Նա նաև ընդգծել է, որ Ռուսաստանի կոալիցիայի մեջ մտնում են միայն Իրանն ու Սիրիան, մինչդեռ ԱՄՆ-ի հետ են մյուս բոլոր պետությունները:
