Գրեթե բոլոր շենքերի հարակից տարածքներում կարելի է տեսնել աղբատարներ, որտեղ բնակիչներն իրենց աղբն են թափում:
Կուտակված աղբը հավաքելը մտնում է «Սանիթեք» ՍՊԸ-ի պարտականությունների մեջ, իսկ թե ո՞վ պետք է մաքրի աղբի մնացորդները՝ araratnews.am-ը փորձեց պարզել հենց «Սանիթեք»-ից, որտեղ մեզ տեղեկացրին, որ դա ևս իրենց գործառույթներից է:
«Մեր պարտականությունների մեջ է մտնում: Եթե այդտեղից տոպրակներով աղբը հավաքում ենք՝ մնացորդները մաքրելը ևս մեր պարտականությունների մեջ է մտնում: Եթե նման դեպքեր են եղել, երևի բացթողում է եղել աշխատակիցների, հավաքարարների կողմից: Հայցում ենք քաղաքացիների ներողամտությունը»:
Ցավոք, սա եզակի դեպք չէ ու պատկերն էլ աչքի համար սովորական է դառնում:
Կադրերն արվել են Երեւանի Խորենացի 30 հասցեում։
