Nokia-ի բաժնետերերը հաստատել են Microsoft-ի կողմից ընկերության բջջային ստորաբաժանման գնման առաջարկը: Այս մասին հաղորդում է Reuters գործակալությունը: Այս որոշման օգտին քվեարկել է բաժնետերերի 99,7 տոկոսը:
Գործարքի պայմանների համաձայն` ֆիննական ընկերությունը Microsoft-ից կստանա 5,44 մլրդ եվրո, ինչի դիմաց Microsoft-ը կստանա ոչ միայն բջջային սարքերի արտադրությունը, այլև բջջային կապի հետ առնչվող Nokia-ի բոլոր արտոնագրերի իրավունքները: Microsoft-ը կօգտագործի Lumia և Asha ապրանքանիշները:
