Թուրքիայի գլխավոր ընդդիմադիր «Ժողովրդահանրապետական կուսակցության» (ԺՀԿ-CHP) նախկին նախագահ Դենիզ Բայքալը հայտարարել է, որ Հոլանդիայի հետ առաջացած լարվածության գլխավոր պատասխանատուն թուրքական իշխանություններն են:
Ըստ թուրքական թուրքական Memleket լրատվակայքի` այդ մասին Բայքալը հայտնել էր «Habertürk» հեռուստաընկերության ուղղիղ եթերով: Ըստ նրա՝ Հոլանդիայի հետ սրված ճգնաժամը Թուրքիայի ղեկավարության արտաքին սխալ քաղաքակության հետևանքն է: Դրա համար էլ Հոլանդիայից արտաքսվեց Թուրքիայի ընտանիքի և սոցիալական քաղաքականության հարցերով նախարար Բեթուլ Սայան Քայան:
«Հոլանդիայում մեր նախարարի հետ տեղի ունեցածն ինձ էլ ընկճեց, սակայն ու՞մ պատճառով դա տեղի ունեցավ: Այստեղ մենք իրավացի էի՞նք: Եթե իրավացի էինք, ապա ինչո՞ւ մեզ այնտեղից ետ ուղարկեցին»,-ասել է Բայքալը:
Վերջում նա ափսոսանք հայտնելով , նշել է, որ ճգնաժամը բացասական բիծ կթողնի վիզաների տրամադրման հարցում: Ըստ Բայքալի` Թուրքիան դրանով «կրակեց իր ոտքին», քանի որ մեծ հարված է հասցվելու նաև զբոսաշրջությանը:
