Այսօր ՀՀ Կառավարության նիստին ՀՀ ԿԳ նախարարի տեղակալ Մանուկ Մկրտչյանը հաստատման ներկայացրեց մի նախագիծ, ըստ որի, պետք է գումար հատկացվեր հոկտեմբերի 5-ին ուսուցիչների տոնին միջոցառում կազմակերպելու համար:
Պարոն Մկրտչյանը կմկմալով և կցկտուր սկսեց ներկայացնել նախագիծը, ինչը նյարդայնացրեց վարչապետին:
«Պարոն Մկրտչյան, դուք չե՞ք կարող թղթից կարդալ, ես գիտեմ ինչ եք ասելու, բայց ներկայացրեք, ոչինչ չեմ հասկանում դուք ինչ եք խոսում»,-ասաց վարչապետը ընդհատելով Մկրտչյանին:
Պարոն Մկրտչյանը ասաց, որ հոկտեմբերի 5-ին ուսուցիչների տոնն է և Երևանի կինոյի և թատրոնի պետական ինստիտուտում միջոցառում անցկացնելու համար գումար է պետք հատկացնել:
«Նենց էլ մուննաթ եք գալիս մեր վրա»,-ծիծաղելով ասաց վարչապետը և հրավիրեց պարոն Մկրտչյանին զբաղեցնել իր տեղը:
