ՀՅԴ խմբակցության ղեկավար Արմեն Ռուստամյանն այսօր Ազգային ժողովի ճեպազրույցների ժամին խոսեց ՀԱՊԿ գլխավոր քարտուղարի շուրջ առաջացած աղմուկի մասին: Արմեն Ռուստամյանի խոսքով՝ Բելառուսի ու Ղազախստանի հայտարարությունները կառուցողական չեն: «Այսպիսի հարցերը լուծվելու են համախոհությամբ»,- ասաց ՀՅԴ խմբակցության ղեկավարը:
Արմեն Ռուստամյանը հիշեցրեց՝ ՀԱՊԿ կանոնադրության մեջ կա բաց, որ եթե անձին հետ են կանչում, արդեն խնդիր է առաջանում: «Ըստ էության, կատարված փաստից հետո հիմա մենք փորձում ենք խնդիրը լուծել: Խնդրին պետք էր նախապես պատրաստվել»,- ասաց օրենսդիր մարմնի անդամը:
ՀՅԴ պատգամավորի խոսքով՝ Պուտինը ճիշտ է, որ Լուկաշենկո-Փաշինյան վեճի մեջ չի դառնում կողմ:
