Sputnik լրատվական գործակալության փոխանցմամբ՝ Վրաստանը հուսով է, որ միջազգային հանրությունը Հայաստանին ու Ադրբեջանին կօգնի խաղաղ կարգավորել տարածքային կոնֆլիկտը: Այդ մասին Վրաստան-ՆԱՏՕ Ժողովրդական դիվանագիտության ֆորումի ժամանակ հայտարարել է Վրաստանի վարչապետ Գեորգի Կվիրիկաշվիլին:
«Չեմ կարող մտահոգություն չհայտնել մեր տարածաշրջանում իրավիճակի սրման կապակցությամբ: Հուսով եմ, որ հարևան երկրներում իրավիճակի ապաէսկալացմանն ուղղված միջազգային հանրության ջանքերը կդառնան հնարավոր, ինչը կարևոր է խաղաղության ու կայունության համար մեր տարածաշրջանում և ոչ միայն»,- ասել է Կվիրիկաշվիլին:
