Հայաստանի ազգային հավաքականի ու «Մանչեսթեր Յունայթեդի» կիսապաշտպան Հենրիխ Մխիթարյանը Լոնդոնում է իր՝ «Արսենալ» տեղափոխությունն ավարտին հասցնելու նպատակով. հայտնում է Skysports.com-ը:
Մխիթարյանն ու նրա գործակալ Մինո Ռայոլան մի քանի օրվա բանակցություններից հետո «զինագործների» հետ համաձայնեցրել են անձնական պայմանագրի բոլոր կետերը: Պայմանագրի մանրամասները դեռ հայտնի չեն:
Աղբյուրը հայտնում է, որ Մխիթարյանը ժամանել է Լոնդոն, որպեսզի բուժզննում անցնի «Արսենալի» համար:
