Իրաքի Մոսուլ քաղաքի ազատագրման համար իրականացվող ռազմական գործողությունները սպառնում են 1,5 մլն բնակիչների անվտանգությանը: Ria.ru-ի փոխանցմամբ՝ այս մասին հայտարարել է ՄԱԿ-ի գլխավոր քարտուղարի մարդասիրական գործերով տեղակալ Սթիվեն Օ’Բրայանը:
Ավելի վաղ Իրաքի վարչապետ Հայդեր ալ Աբադին հայտարարել էր Մոսուլ քաղաքի ազատագրման համար ռազմական գործողությունների վերսկսման մասին: Այժմ քաղաքը գտնվում է ԻՊ-ի զինյալների հսկողության տակ:
Նշվում է, որ ռազմական գործողությունների հետևանքով հազարավոր բնակիչներ ստիպված կլինեն լքել իրենց տները:
