Մոսկվայի Կարմիր հրապարակը այցելուների համար փակ կլինի մայիսի 4-ից մինչև 9-ը. հաղորդել է Interfax-ը՝ հղում կատարելով Պահպանության պետական ծառայության մամուլի և հասարակայնության հետ կապերի կենտրոնին:
Աղբյուրի փոխանցմամբ՝ սահմանափակումները կապված են Հայրենական մեծ պատերազմում հաղթանակի 72-րդ տարեդարձի տոնակատարությանը նվիրված միջոցառումների նախապատրաստման ու անցկացման հետ:
Մայիսի 3-ին Մոսկվայում կայացել է Հաղթանակի զորահանդեսի վերջին գիշերային փորձը. մասնակցել են 10 հազար զինծառայողներ և ավելի քան հարյուր միավոր ռազմական տեխնիկա:
