Ռուսաստանը կլինի Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպման գլխավոր կազմակերպիչը. հանդիպումը նախատեսված է այս տարվա վերջին: Այս մասին հաղորդում է Izvestia.ru-ն` հղում կատարելով ՌԴ ԱԳ նախարարությունում աղբյուրին:
«Մոսկվան դարձել է այս հարցի գլխավոր միջնորդը, քանի որ ԼՂ հակամարտության հարցում ԵԱՀԿ Մինսկի խմբի մյուս համանախագահների՝ պաշտոնական Երևանի և Բաքվի ներկայացուցիչներին բանակցային սեղանի շուրջը նստեցնելու փորձերը հաջողությամբ չեն պսակվել»,- ասված է հոդվածում:
Աղբյուրի փոխանցմամբ՝ Հայաստանի և Ադրբեջանի նախագահների հանդիպման կազմակերպչական մասով զբաղվում է Մոսկվան:
