2010 թվականի պայմանագրով հետևակի БМП-3 մարտական մեքենաների մատակարարումները Ադրբեջան նախատեսվում է ավարտել հաջորդ տարի: Այս մասին TASS-ին հաղորդել է ռազմատեխնիկական համագործակցության համակարգում աղբյուրը:
«Մատակարարումների ավարտը նախատեսվում է 2018 թվականին»,- ասել է գործակալության զրուցակիցը:
2010 թ. Մոսկվան և Բաքուն սպառազինության և տեխնիկայի խոշոր խմբաքանակի մատակարարումների մասին պայմանավորվածություն են ձեռք բերել: Ըստ ԶԼՄ-ների` խոսքը Т-90С տանկային երեք գումարտակների, ինքնագնաց հրետանու, համազարկային կրակի ռեակտիվ համակարգերի և ծանր հրանետային համակարգերի մասին է, ինչպես նաև Ադրբեջանը ձեռք է բերել վերանորոգման-տարհանման և ինժեներական մեքենաներ: Փորձագետների գնահատականներով` պայմանագրերի փաթեթի արժողությունը կազմել է մինչև մեկ միլիարդ դոլար:
