կ
Քիշնևի կենտրոնական հրապարակում իշխանությունների հրաժարականի պահանջով ցույցի ելածները որոշել են ոստիկանությունից պաշտպանվելու և ճամբարում կարգուկանոն ապահովելու նպատակով «ազգային պահակախումբ» կազմել:
«Ազգային պահակախմբի» մեջ կմտնեն ոստիկանական համակարգի նախկին աշխատակիցներ և Դնեստրում ու Աֆղանստանում ռազմական գործողությունների վետերաններ, որոնք կպաշտպանեն ցուցարարներին ոստիկաններից»,- TASS-ին պատմել է «Ինքնասիրություն և ճշմարտություն» նախաձեռնության ղեկավարներից Վասիլի Նեստասեն:
Գործչի խոսքով` ներկա պահին մոլդովական ոստիկանական ուժերը պաշտպանում են ոչ թե ժողովրդին, այլ խունտային:
Ավելի վաղ հաղորդվել էր, որ Քիշնևում ցուցարարները պահանջում են երկրում հանրաքվե անցկացնել և այլ անհրաժեշտ գործընթացներ իրականացնել` ուղիղ նախագահական ընտրություններին վերադառնալու նպատակով: Ցուցարարներին միացել է նաև Մոլդովայի ԿԸՀ փոխնախագահը:
