Այն, ինչ կատարվեց Ադրբեջանի կողմից, նախադեպը չէր ունեցել, դա նենգությունն էր, ահաբեկչական ակտ: ԱԺ ՀՀԿ խմբակցության պատգամավոր, հանձնաժողովի նախագահ Արտակ Դավթյանն այսօր հրավիրված ասուլիսի ժամանակ, խոսելով Ադրբեջան կողմից ԼՂՀ ՊԲ ռազմական ուղղաթիռի խոցման մասին, նման կերպ որակեց նրանց այս գործողությունը:
«Անկախ ամեն ինչից, թշնամուն լավ ենք ճանաչում և գիտենք, որ նմանօրինակ գործողությունները շարունակություն կունենան»,- ասաց Արտակ Դավթյանը:
Ըստ նրա՝ կան մի քանի գործոններ, որոնք պետք է հաշվի առնել, նախ՝ նավթի գների անկումը, ինչպես նաև այն հոխորտանքը, որ վաղ թե ուշ կլուծեն Ղարաբաղի խնդիրը:
Ըստ բանախոսի՝ այս գործոնները Ադրբեջանի համար որևէ լավ բան չեն խոստանում,
Արտակ Դավթյանի փոխանցմամբ՝ երկու բան պետք է հաշվի առնել. առաջին՝զգոնությունը, երկրորդ՝ համարժեք պատասխանը, որը չպետք է ուշանա:
Արտակ Դավթյանի համոզմամբ՝ միջազգային արձագանք և համարժեք արձագանք.
«Պարզապես մենք ունենք մեծ կորուստ ունենք՝ երեք զինծառայողի մահ, և գուցե հենց դա թույլ չի տալիս տեսնել այդ միջազգային հանրության արձագանքը», -ասաց Արտակ Դավթյանն ու ընդգծեց՝ վերջինս այնքան էլ չեզոք չէ, որքան թվում է և այդ չեզոքության «տակ» կոշտություն է թաքնված:
