4 արաբական երկրներ՝ Բահրեյնը, Սաուդյան Արաբիան, Եգիպտոսը և Արաբական Միացյալ Էմիրությունները, խզել են դիվանագիտական հարաբերությունները Կատարի հետ. երկրներին է միացել նաև Եմենը: Այս մասին հաղորդում է Reuters գործակալությունը:
Կատարը մեղադրվում է ահաբեկչական կազմակերպություններին աջակցելու և արաբական պետություններում ներքին իրավիճակը ապակայունացնելու մեջ:
Դիվանագիտական հարաբերությունները խզելու մասին առաջինը հայտարարել է Բահրեյնի Թագավորությունը: Ապա նույն հայտարարությանը միացել են Սաուդյան Արաբիան, Եգիպտոսը, Եմենը և ԱՄԷ-ն:
Բահրեյնը հայտարարել է երկրների միջև օդային և ծովային հաղորդակցությունը դադարեցնելու մասին և արգելել իր քաղաքացիների մուտքը Կատար։ Սաուդյան Արաբիան ևս դադարեցրել Կատարի հետ տրանսպորտային հաղորդակցությունը։
