«Մենք հրաժարվեցինք «պադավատապետությունից», կրճատվեցին ծառայողական մեքենաները: Այս մասին խորհրդարանում ելույթի ժամանակ հայտարարեց ՀՀ ԱԺ «Իմ քայլը» խմբակցության անդամ Հովհաննես Հովհաննիսյանը։
Պատգամավորի խոսքով՝ տնտեսական հեղափոխությունը կարևոր կոնցեպտ է, բայց ավելի շատ անհրաժեշտ է մշակութային հեղափոխություն։
«Մեր երկրում շատ բան է փոխվել, ստացել ենք ազատություն»,- ասաց Հովհաննիսյանը՝ շեշտելով, որ ժողովուրդները միլիոններով զոհվել են մեկ գաղափարի՝ ազատության համար:
«Այսօր չեն կարող խոսել կեղծված ընտրությունների մասին. ազատ և արդար ընտրությունները նոր Հայաստանի ամենամեծ ձեռքբերումն են: Ասում են՝ ՀՀԿ-ի օրոք այդպես չէ՞ր, ուրեմն գնացե՛ք, միացե՛ք ՀՀԿ-ին, վայելե՛ք»,- ասաց նա:
Պատգամավորը թվարկեց նաև վերջին ամիսներին ձեռք բերված այլ հաջողություններ․ «Մենք հրաժարվեցինք «պադավատապետությունից», կրճատվեցին ծառայողական մեքենաները, կառավարությունը հայտարարեց, որ մոտ 5 միլիարդի չափով խնայողություն է տեղի ունենում»։
