Մելանյա Թրամփ` ԱՄՆ-ի նոր առաջին տիկինը (լուսանկարներ, տեսանյութ)

Մելանյա Թրամփն ԱՄՆ-ի նոր առաջին տիկինն է: Նորընտիր նախագահ Դոնալդ Թրամփի կինը հայտնի մոդել է. գրում է Sky News-ը: Զույգն ամուսնացել է 2005-ին:

Մելանյա Թրամփը ծնվել է նախկին Հարավսլավիայում 1970-ին: 46-ամյա Մելանյան մոդելի կարիերան սկսել 16 տարեկանից: 18 տարեկանում նա արդեն պայմանագիր է կնքում իտալական հայտնի մոդելային գործակալություններից մեկի հետ: Հայրը հայտնի գործարար Վիկտոր Կնավսն է:

Դոնալդ Թրամփն իր ապագա կնոջը հանդիպել է Նյու Յորքում Նորաձևության շաբաթի երեկույթի ժամանակ: Զույգի հարսանեկան արարողությունն անցկացվել է Ֆլորիդայում: Թրամփները համատեղ կյանքում ունեն մեկ որդի` 10-ամյա Բարոնը:

Մելանյա Թրամփն ամուսնությունից մեկ տարի անց` 2006-ին, ստանում է ԱՄՆ-ի քաղաքացիություն:
https://youtu.be/kjY_vDmlcTU