Ռուսաստանի վարչապետ Դմիտրի Մեդվեդևը, հայտարարել է, որ հույս ունի, որ Սիրիայի գործող կառավարությունը և ընդդիմադիր ուժերը կկարողանան հարթել տարաձայնությունները բանակցությունների ճանապարհով, փոխանցում է Rossia 24 հեռուստաընկերությունը:
«Ամենակարևորն այն է, որպեսզի ամեն ինչ լուծվի բանակցություններով, որպեսզի հաջողվի և՛ կառավարությանը, և՛ ընդդիմությանը մի սեղանի շուրջ նստեցնել, և որպեսզի վերջիններս կարողանան Սիրիայի ապագայի վերաբերյալ առաջարկներ անել»,- ասել է Մեդվեդևը:
Բացի այս, Մեդվեդևն ընդգծել է, որ Սիրիայում ռուսական օդային գործողությունն առաջին հերթին ուղղված է ահաբեկչության դեմ պայքարին, քանի որ Ռուսաստանի կառավարությունում վստահ են, որ վտանգը պետք է վերացնել մինչ դրա տարածումը` նաև դեպի Ռուսաստան:
