ԱՄՆ պետքարտուղարության պաշտոնական ներկայացուցիչ Մարի Հարֆը հայտնել է, որ Միացյալ Նահանգներն ազդել են համաշխարհային որոշ առաջնորդների՝ Հաղթանակի օրվա կապակցությամբ Մոսկվա մեկնելու որոշման վրա։ Այս մասին հաղորդում է RIA-Novosti գործակալությունը։
Ըստ Հարֆի՝ կան բազմաթիվ այլ հնարավորություններ՝ նշելու Հաղթանակի օրը։ Նա համաշխարհային առաջնորդներին անուղղակի կոչ է արել Մոսկվա մեկնելու մասին որոշում կայացնելիս հաշվի առնել Ուկրաինայում Ռուսաստանի գործողությունները։
