Ականապայթյունային վնասվածք ստացած զինծառայող Արթուր Դանիելյանի վիճակում դրական դինամիկա կա: Այս մասին Araratnews.am-ը տեղեկացավ ՀՀ պաշտպանության նախարարի խոսնակ Արծրուն Հովհաննիսյանից:
Հիշեցնենք, որ դեկտեմբերի 11-ին` ՀՀ պետական սահմանի հյուսիսարևելյան հատվածում, մարտական հերթապահության ժամանակ ականապայթյունային վնասվածք էր ստացել շարքային Արթուր Գարիկի Դանիելյանը (ծնվ. 1998 թ.):
ՊՆ մամլո խոսնակից հետաքրքրվեցինք նաև նախորդ շաբաթ Վանաձորում վթարի ենթարկված զինվորականների առողջական վիճակի մասին: Գրել էինք, որ վթարի էին ենթարկվել մեկ կապիտան եւ մեկ մայոր: Վերջինս կոտրվածքներ ունի, իսկ կապիտանի վիճակը կայուն ծանր է: Արծրուն Հովհաննիսյանի փոխանցմամբ` կապիտանի վիճակում դրական դինամիկա կա:
Սոնա Դավթյան
