«Մանչեսթեր Յունայթեդը» նվազագույն հաշվով հաղթեց «Սելտային» (տեսանյութ)

Եվրոպա լիգայի խաղարկության կիսաեզրափակչի շրջանակում անգլիական «Մանչեսթեր Յունայթեդը» հյուրընկալվեց իսպանական «Սելտային»:

Հանդիպումն ավարտվեց Ժոզե Մոուրինյուի գլխավորած թիմի նվազագույն հաղթանակով: Խաղի միակ գոլը 67-րդ րոպեին տուգանայինից խփեց «կարմիր սատանաների» երիտասարդ հարձակվող Մարկուս Ռեշֆորդը:

«Մանչեսթեր Յունայթեդի» կազմում խաղին մասնակցեց նաև Հայաստանի ազգային հավաքականի ավագ, կիսապաշտպան Հենրիխ Մխիթարյանը, ով խաղադաշտ դուրս եկավ մեկնարկային րոպեներից և փոխարինվեց 78-րդ րոպեին:

Մրցող թիմերի միջև պատասխան հանդիպումը կկայանա մայիսի 11-ին:
https://youtu.be/r64Bh_4Xua4