Մալթայի Սլիմա քաղաքում մի քանի հազար մարդ է մասնակցել սպանված լրագրող Դաֆնե Կարուանա Գալիցիայի հիշատակին կազմակերպված զանգվածային ցույցին. հաղորդում է Times of Malta-ն:
Հրապարակման համաձայն՝ ցուցարարները տեղական իշխանություններին կոչ են արել մանրամասն հետաքննել լրագրողի սպանությունը: Ցուցարարների մի մասը պահանջել է Մալթայի ոստիկանապետի և գլխավոր դատախազի հրաժարականը: Ցույցի ընթացքում որևէ միջադեպ չի գրանցվել:
Ավելի վաղ հաղորդել էինք, որ Գալիցիան բացահայտել էր, որ Մալթայի վարչապետի կինը կապ ունի Պանամայում գրանցված օֆշորային մի ընկերության հետ, որը գումարներ է ստացել Ադրբեջանի իշխանություններից: Վարչապետն ու իր ընտանիքը կտրականապես հերքում էին այդ մեղադրանքները:
53-ամյա լրագրողը, ով հայտնի էր իշխանությունների կոռուպցիոն գործարքների մասին բազմաթիվ հրապարակումներով, զոհվել էր հոկտեմբերի 16-ին՝ մեքենայում տեղադրված ռումբի պայթյունից:
