Եմենում ռազմական հակամարտության հետևանքով զոհվել է առնվազն 1,6 հազար մարդ: Այս մասին գրում է RIA.ru-ն` հղում կատարելով ՄԱԿ-ի մարդասիրական հարցերի համակարգման վարչության տվյալներին:
Մեջբերելով ՄԱԿ-ի մարդասիրական հարցերի համակարգման վարչության Եմենի ստորաբաժանման ղեկավար Յոհանես վան դեր Կլաունին կայքը գրում է` «Հակամարտության արդյունքներից ակնհյատ է, որ այն սարսափելի հետևանքներ է ունեցել քաղաքացիական բնակչության վրա: Հակամարտությունից 2 ամիս անց օդային հարվածների և ցամաքային մարտերի հետևանքով 1600-ից ավելի սպանված և 6200 ավելի վիրավորներ են արձանագրվել»:
Նշվում է նաև, որ հակամարտության հետևանքով բռնի տեղահանվածների թիվը գերազանցում է 450 հազարը:
