Հոկտեմբերի 2-ին մահացել է Coca-Cola Hellenic Bottling Company (Coca-Cola HBC) ընկերության ղեկավար Դիմիտրիս Լոիսը. հաղորդում է Ria.ru-ն՝ հղում կատարելով ընկերության մամուլի հաղորդագրությանը:
«Coca-Cola HBC-ն այսօր խոր ցավով հայտնում է 2017-ի հոկտեմբերի 2-ին իր ղեկավար Դիմիտրիս Լոիսի մահվան մասին»,- ասված է հաղորդագրությունում:
Սեպտեմբերին ընկերությունը հայտնել էր, որ Լոիսը ժամանակավորապես հեռանում է պաշտոնից՝ առողջական խնդիրների պատճառով:
Հաղորդվում է նաև, որ Միխալիս Իմելոսը կշարունակի կատարել ընկերության ղեկավարի պարտականությունները:
